२०७७ कार्तिक १२, बुधबार

खार्पुनाथमा भत्कियो काँग्रेसको गढ, उपाध्यक्षमा नेकपाकी रुपा विजयी

 

 

को हुन् रुपा ?

खार्पुनाथ गाउँपालिका हुम्लाको उपाध्यक्ष पदमा निर्वाचित रुपा खार्पुनाथ–१ प्यूस गाउँकी स्थानीय बासिन्दा हुन् । बझाङ जिल्ला जयपृथ्वी नगरपालिका–४ मा २०३८ सालमा जन्मेकी रुपा २०५३ साल फागुन २६ गते विवाह गरेर हुम्ला पुगेकी थिइन् । नौ कक्षामा पढ्दै गर्दा विवाह गरेकी उनलाई बुहारी भएर विद्यालयको पढाई पूरा गर्न १० वर्ष लाग्यो । २०६३ सालमा एसएलसी पास गरेकी उनले २०६४ को जिल्ला अधिवेशनमा तत्कालीन नेकपा एमालेको भगेनी संगठन अखिल नेपाल महिला संघको जिल्ला अध्यक्षबाट आफ्नोे राजनीतिक यात्राको शुरुवात गरिन् ।

पटकपटक पार्टीको नेतृत्वमा दाबी गरेकी रुपाले २०७४ साल वैशाख ३१ गतेको स्थानीय तहको निर्वाचनमा तत्कालीन एमालेको तर्फबाट उपाध्यक्ष पदकी उम्मेरदवार थिइन् । उनी नेपाली कंग्रेसकी उम्मेरदवार सिन्धु हमाल शाहीसँग ५८ मतले पराजय भइन् । गएको असार ३ गते खार्पुनाथको यांचु कुनामा भएको जिप दुर्घटनामा परेर उपाध्यक्ष सिन्धुको मृत्यु भएपछि रुपा उपनिर्वाचनबाट उपाध्यक्ष पदमा विजयी भएकी छन् ।