२०७७ कार्तिक ५, बुधबार

पत्रकारसगँ मध्यपश्चिमका डिआइजी माधव नेपालले यस्तो भने

dig_153127सुर्खेत, ९ असार ।
मध्यपश्चिम क्षेत्रीय प्रहरी कार्यालय सुर्खेतले आपराधिक गतिविधी नियन्त्रण गदै शान्ति सुरक्षा कायम गर्न ३ वटा कुरालाई मुलमन्त्र वनाएर अभियान संचालन गरिरहेको जनाएको छ ।

मध्यपश्चिम क्षेत्रलाई लागु औषधमुक्त बनाउने, अबैध तस्करीलाई नियन्त्रण गर्ने र अपराधमा संलग्न हुने ब्यक्तिहरुसंग शुन्य सहनशिलता मुलमन्त्र रहेका छन । मुलमन्त्र अनुसार विशेष योजना वनाएर अभियान संचालन गरेपछि विगतको तुलनामा अहिले आपराधिक गतिविधीमा कमी आएको क्षेत्रीय प्रहरी कार्यालयका प्रमुख डिआइजी माधव नेपालले वताउनु भयो ।


उहाँले ६ महिना अघिवाट अभियान संचालन भएपछि जनताले शान्ति सुरक्षाको पूर्ण अनुभुति गरिरहेको दावी समेत गर्नुभयो ।
आइतवार क्षेत्रीय प्रहरी कार्यालयले गरेको पत्रकार सम्मेलनमा डिआइजी नेपालले स्रोत साधन र जनशक्तिको अभावले गर्दा अझै सोचे अनुसारको काम गर्न प्रहरीले नसकेको उल्लेख गर्नुभयो ।
स्रोत साधन र जनशक्तिको अभावका वावजुद पनि मध्यपश्चिम क्षेत्रमा प्रहरी शान्ति सुरक्षा कायम गर्न र अपराध नियन्त्रण गर्न सफल हुदै गएको उहाँले वताउनु भयो ।

प्रहरीका चुनौतिहरु :
प्रहरी ईकाईहरुको माग बढ्दो, कारागारहरुको अवस्था जिर्ण, कारगारहरुमा क्षेमता भन्दा बढी कैदी मुख्य चुनौति रहेका छन ।
मध्यपश्चिम क्षेत्रका १३ वटा कारागरको क्षेमता ८ सय २० जनाको भएपनि अहिले २ हजार ५ जना कैदी बन्दी राखिएको छ ।
यस्तै अपराध नियन्त्रणमा प्रविधिको कमी, साना हतियारमा सहज पहुच, भुमिगत संगठनहरु पनि यस क्षेत्रको सुरक्षा चुनौतिको रुमपा रहेका छन ।
प्रहरी भवनको कमी यस क्षेत्रको प्रहरीको अर्को चुनौति रहेको छ ।
युद्धकालमा २२४ प्रहरी भवनहरु ध्वस्त भएकोमा अहिलेसम्म ६० वटा भवनहरु निर्माण भएको प्रहरीले जनाएको छ ।
सवारी दुर्घटनाना रोकथाममा आधुनिक उपकरणहरुको अभाब ब्रेथलाईजर, राडारगन, ट्राफिक जनशक्तिको कमी, मोटर चल्ने जिल्लामा एउटा पनि दमकल नहुनु जस्ता चुनौति पनि प्रहरीले सामना गरिहेको डिआइजी नेपालले उल्लेख गर्नुभयो

अल्पकालिन योजनाहरु:

अल्पकालिन योजना अन्तर्गत आन्तरिक शुद्धिकरण तथा शुन्य सहनशिलता, आवश्यक स्रोत र साधनको ब्यवस्थापनको लागि पहल, प्रबिधियुक्त प्रहरीको लागि आबश्यक पर्ने स्रोत साधन जुटाउन पहल गर्ने रहेको छन ।
यसतै प्रहरी जनतावीच सहकार्यलाई प्राथमिकताका साथ लागु गर्ने, अति प्रभावकारी अनुसन्धान टोली निर्माण गर्ने, पेशासंग सम्बन्धित प्रशिक्षण कार्यक्रम संचालन गर्ने रहेका छन ।

समय सापेक्ष सुरक्षा योजना पुनरावलोकन गदै चेतनामूलक कार्यक्रम प्रसारण गर्ने, कल्यानकारी योजनाहरु लागू गर्ने लगायतका अल्पकालिन योजनाहरु रहेका छन ।
दिर्घकालिन योजनाहरु
यस्तै क्षेत्रीय प्रहरी कार्यालय सुर्खेतले सामुदायिक प्रहरीको अवधारणामा जोड दिने, फरार अपराधीको खोजी गर्ने, प्रहरी ईकाईहरुको बृद्धि गदै भौतिक अवस्था सुधार गर्ने दिर्घकालिन योजनाहरु वनाएको छ ।

पारदर्शी ट्राफिक राजश्व संकलनका लागि बैकिड प्रणालीवाट राजश्व संकलन गर्ने, आर्थिक अनियमितता विरुद्ध शुन्य सहनशिलतालाई संस्थागत गर्दै लैजाने, क्षेत्रीय स्तरमा विधी विज्ञान प्रयोगशाला र पेट्रोल पम्प स्थापना गर्ने,तालिम प्रणालीलाई बैज्ञानिकिकरण गर्ने,अपराध अनुसन्धानको लागि बिशेष कार्यदलको वनाउने जस्ता दिर्घकालियन योजना पनि क्षेत्रीय प्रहरी कार्यालयले अघि सारेको छ ।

साइवर क्राइमको लागि अनुसन्धान टोली वनाउने, राजनैतिक हस्तक्षेप पूर्ण रुपमा निर्मुल गर्ने, तत्काल सेवा निवृत हुने प्रहरी कर्मचारीलाई व्यवसायिक तालीम प्रदान गर्ने लगायतका दिर्घकालिन योजनाहरु रहेको डिआइजी नेपालले वताउनु भयो ।

३ सय ४० जना प्रहरीमाथी कारवाही
आर्थिक वर्ष २०७२ ÷७३ मा प्रहरी आचरण विपरीत काम गर्ने एसपीदेखि कार्यालय सहयोगीसम्म गरी ३ सय ४० जना प्रहरीलाई कारवाही गरिएको छ ।
मादक पदार्थ सेवन गर्ने, कामकाजमा बाधा र्पुयाउने, डियुटीमा लापरवाही गर्ने, कमाण्डरको आदेश नमान्ने, बहुविवाह र गैह्र हाजिर गर्ने प्रहरीलाई कारवाही गरिएको क्षेत्रीय प्रहरी कार्यालय सुर्खेतका प्रमुख डिआइजी माधवप्रसाद नेपालले बताउनु भयो ।

एक वर्षको अवधिमा एक जना एसपी सहित २ सय ३८ जना प्रहरीलाई नसिहद दिएको, ११ जनाको पदोन्तो रोक्का गरिएको, ८ जनालाई तल्लो टाइम स्लेकलमा घटुवा गरेको,तल्लो तहमा घटुवा ग्रेड रोक्का लगाएका कारवाही गरिएको पनि उहाँले जानकारी दिनुभयो ।