२०७७ माघ ५, सोमबार

प्रहरी राज्यको आन्तरिक सुरक्षाको मेरुदण्ड, ‘प्रधानमन्त्री’

_dsc8850-1असोज २१ ।, काठमाडौं । प्रधानमन्त्री पुष्पकमल दाहाल ‘प्रचण्ड’ले नेपाल प्रहरी राज्यको आन्तरिक सुरक्षाको मेरुदण्ड र देशको गौरव भएको बताउनु भएको छ ।

नेपाल प्रहरी दिवसको अवसरमा प्रहरी प्रधान कार्यालयमा आयोजित विशेष समारोहमा बोल्दै प्रधानमन्त्रीले भन्नुभयो, ‘नेपाल प्रहरी राज्यको आन्तरिक सुरक्षाको मेरुदण्ड हो, देशको गौरव हो ।

नेपालको आन्तरिक सुरक्षा, विपद व्यवस्थापन र उद्दार, भूकम्पपछिको उद्दार, राहत र पूनर्बास एवं आफ्नो कर्तव्य पालनाको सिलसिलामा यसले गरेको योगदानले सिङ्गो राष्ट्र गौरवान्वित भएको छ र भइरहनेछ ।’

प्रधानमन्त्रीले कानुनी राज्यको पालना र मानव अधिकारको संरक्षणका क्षेत्रमा प्रहरीले गरेको योगदानको प्रशंसा गर्दै भन्नुभयो,

‘कानुनी राज्यको पालना, मानव अधिकारको संरक्षण, शान्ति र सुव्यवस्थाका लागि नेपाल प्रहरीले खेलेको भूमिका उल्लेखनीय छ ।

भावी दिनमा पनि यस संगठनबाट संविधानको कार्यान्वयनको चरणमा राज्यलाई पूर्ण सहयोग हुनेछ भन्ने विश्वास लिएको छु । त्यसका लागि आवश्यक पर्ने साधन स्रोतका लागि सरकार जुनसुकै सहयोग गर्न तयार छ ।

’समारोहमा प्रहरी महानिरीक्षक उपेन्द्रकान्त अर्यालले नेपाल प्रहरीले देशको शान्ति सुरक्षामा खेलेको भूमिकाको चर्चा गर्नुभएको थियो । कार्यक्रममा नेपाल प्रहरीको आजीवन कार्यजीवी सम्मानबाट पूर्व प्रहरी महानिरीक्षक श्यामभक्त थापालाई सम्मान गरिएको थियो भने नेपाल प्रहरीका कलाकारहरुले विविध सांस्कृतिक प्रस्तुति प्रस्तुत गरेका थिए ।_dsc8881-1