२०७७ माघ ९, शुक्रबार

संविधान संशोधन हुनै सक्दैन भन्नु निरङ्कुश चरित्र हो – ऊर्जामन्त्री शर्मा

imagesरौतहट, २३ पुस ।ऊर्जामन्त्री जनार्दन शर्माले विखण्डनकारी राष्ट्रवादले कोही कसैको हित नगर्ने बताएका छन् ।साथै नेपालको सार्वभौमसत्ता, अखण्डता र गणतन्त्र बाहेकका विषयमा संविधान संशोधन गर्न सकिने भएकाले संविधान संशोधन हुनै सक्दैन भन्नु निरङ्कुश चरित्र भएको टिप्पणी गरेका छन् ।

प्रेस सेन्टर नेपाल रौतहट शाखाले शनिबार आयोजना गरेको पत्रकार सम्मेलनमा माओवादी नेता समेत रहेका मन्त्री शर्माले संसद्लाई बन्धक बनाएर निर्वाचनको मात्र कुरा गर्नुले प्रतिपक्षीहरु निर्वाचन चाहेका छैनन् की भन्ने आशङ्का उत्पन्न भइरहेको उनको कथन थियो ।
संविधानको सर्वस्वीकार्यता बढाउन खोज्दा त्यसलाई अवरोध गर्ने, मधेसी, आदिवासी, जनजाति थारु र अल्पसङ्ख्यक समुदायलाई अधिकार दिन्न भन्नु संविधान नै असफल बनाउने प्रवृत्ति भएको उनको भनाई थियो ।
आफूहरु सरकारमा रहँदा वा नरहँदा मधेसी, आदिवासी जनतजाति तथा अल्पसङ्ख्यक समुदायको माग सम्बोधन गर्नुपर्छ भनेर लागेको र अहिलेको संशोधन प्रस्ताव पनि सोही प्रयोजनकालागि ल्याइएको उनले स्पष्ट पारे ।
उर्जामन्त्री शर्माले तराई मधेसका क्षेत्रमा अत्यधिक मात्रामा विद्युत् चोरी हुने गरेकाले त्यसलाई रोक्न स्थानीय युवालाई परिचालित हुन आग्रह गरे ।

– Source imandarmedia