२०७७ कार्तिक ११, मंगलवार

यी हुन् सलमानकी चिनियाँ नायिका

salman-khan-with-zhu-zhu२८ साउन । बलिउडका चर्चित नायक सलमान खानले आफ्नो नयाँ चलचित्र ‘ट्यूबलाइट’को छायांकन प्रारम्भ गरिसकेका छन् । यो चलचित्रलाई कविर खानले निर्देशन गर्दैछन् । आउँदो बर्षको इदमा रिलिज हुनेगरि चलचित्रको छायांकन सुरु गरिएको हो ।

सलमानको यो चलचित्रको छायांकन सुरु भएसँगै यसमा काम गर्न लागेकी नायिकाको चर्चा पनि सुरु भएको छ । यो चलचित्रमा नायिका दीपिका पादुकोणले काम गर्ने चर्चा थियो ।

तर, सबैलाई आश्चर्यमा पार्दै चिनियाँ नायिका छु छुले यो चलचित्रमा काम गर्ने पक्का भएको छ । छु छुले सफल चिनियाँ चलचित्रमा काम गरेकी छिन् ।

उनले आफ्नो पढाई सकेपछि टेलिभिजन यात्रा थालेकी थिइन् । टेलिभिजनमा सफल भएपछि छु छुले चलचित्रमा पाइला राखेकी हुन् । यो चलचित्रको कथा भारत र चीनविचको भएकाले पनि नायिका चिनियाँ छनोट गरिएको हो ।